唉,前兩日發覺自己响毫無管束,亳冇目標下,真係肥左好多........結婚前真係好積極,又戒口,又做運動,每星期上美容院瘦身三次,真係瘦到連著bikini都唔覺好肥,有一段時間更可穿上細碼衫添........

但係經過大半年的放肆,甜品,buffet,打便爐,薯片,朱古力......鍾意食就食,心裏從沒有問過"好肥喎,不如食少d啦"呢一類說話。

直至近來,見返d朋友,髮型師,舊同學,舊同事,個個都話,"肥番喎",oh no...不得不到我唔take action。上星期日終於的起心肝去做gym,一磅之下,原來比結婚最fit時期肥番10lbs, 真大鑊！個肚腩仲大到連媽咪都話”好似人地有左咁”

所以，我既減肥大計又會再次啟動，首先要節食，戒掉所有垃圾食物，再要做運動，一星期三日，仲有，減少應酬，因為每次成班朋友，一路傾一路食，不知不覺，食左好多野．．．．．好啦，定住咁多先，下星期再ｒｅｖｉｅｗ一下進度！

心情既興奮又緊張......

事源上星期三剛從日本渡假回來,返到公司,老細話十月中帶我到New York開會,之後我再要一個人去Cayman Island開會,心裏有點興奮,但也有點擔心。這是我第一次去business trip,對著陌生的城市,陌生的人,唔知我可以應付嗎?雖然以前同老公或家人去旅行都是我負責plan行程的,但到今次得我一個人既時候,有點兒擔心 

我知道這次是很難得的機會,我相信對我的知識或事業都會有很大的裨益,加上繼honeymoon後再一次踏足加勒比海,真的很期待喔。Cayman也是我們曾經考慮Hoenymoon的城市,上次honeymoon忘了帶一瓶加勒比海既沙回來,今次一定要記著喔!! 如果今次都可以同老公一齊去就好了........

今日係生日既大日子,今年好特別,因為係婚後第一個生日,年紀亦踏進另一階段........ 以前既生日願望就係可以嫁給我的至愛,而家已經達到了,其他願望一切隨緣吧!  由於生日天係平日,上星期日,老公已經同我預祝了,他帶我到了大埔小白鷺食lunch,之後到山頂影相,食tea,晚上再到數碼港食奧sushi,真係港九新界都去曬,滿足佢既駕車樂,謝謝你!   由於城中劇集"溏心風暴"大結局,我們吃了early dinner,以25分鐘時間,由數碼港直駛屋企....回到剛好8:30,真係電視迷....... 

除左有老公同我慶祝生日外,還有家人,好朋友Winnie, Margaret, Gary, Eva, 少容,仲有舊同事,同事等........真係.

唔知點解係咪人大左,對生日都無乜感覺,以前會諗,d好朋友點解唔send sms比我,或者打比我同我講生日快樂架, 而家一d咁既想法都無,可能我又向知足常樂呢句說話邁向一步。

HAPPY  BIRTHDAY TO ME  !! 

今年是我們結婚後第一個幫老公慶祝的生日,因為生日當天是星期二,所以我便提早幫他慶祝 

我們9:30起床,吃過早餐,便搭車到中環5號碼頭,因為我預早左時間.....只好在ifc 逛逛.....到了11:50,我們便上船到索罟灣,先到威記食海鮮lunch (網上推介的,希望不錯吧!),我們點了香草龍蝦,豉椒炒蜆,蒜泥開邊蝦,炒菜心及2個白飯,lunch好像多了一點喔........, 但也全部掃清,哈哈!,可能開心啦,特別好胃口。

吃過lunch,我們慢步25分鐘到模達灣的水上活動中心,那天天氣晴朗,又不是太熱,挺不錯,我們換過泳衣,就先玩雙人獨木舟,到海中心傾下計,hea下,還在兩隻遊艇旁面走來走去......很寫意,之後再玩水中單車,那天沙灘不是太多人,反而很多主人帶愛犬出來散步,有些狗隻在游水,嬉戲,很可愛喔

玩既時間過得特別快,咁快就5點,我們要走了,因為book了dinner buffet,在回程的車上,我己睡著了,還不知已到達灣仔呢........

到酒店剛好是7:00,buffet開始,原來今晚buffet有龍蝦,總知lunch唔叫啦.........老公實在太喜歡吃東西喇,我相信他吃掉10隻龍蝦呢...........我們一邊傾計,一邊吃東西,很relax的一天很快就過去了.

HAPPY BIRTHDAY TO MY DEAREST !